Harro Hadi Kantauri Itsasoa

Bidasoa ibaia, Amuitz uhartea, Jaizkibel, Larrun, Aiako Harriak, Dunba Zabala, Dunba Luzea, Erretak (gertuko olatuak), Belharra olatua (urrutian), Erlaitza, Erlaitz mendia, Hondarraitz, Asturiaga, San Telmoko Gaztelua, Higer Faroa, Txoldokogaina, Abadiako Gaztelua... nire kanpoan pizten diren bazter miresgarriak barneratzen.

AIGUESTORTES

Ondo bizitzeko beldur? ala katu beltzari hozka?

Katu beltz bat zenbaitek
bihotzaren lekuan
bizitza zoritxarraren aukeratik
begiratzen duen jendea

Katuon atzaparrak
ahotik ihes hitz harramazkarietan
Halako inbidia usaineko zerbat
hortz artetik marmarrean

Katu beltzak ugari kaleetan

Bereaz konforme denari patxada
txiki hori aurpegiratzen diotenak.
Ondo egoteaz errudun sentiarazteraino

Ondo bizitzeko beldur
Ondo egoteari beldur

Katu beltz bat zenbaitek bihotzaren lekuan
Eta beltz ikusten bizitza zakurra...

Eta zakurra al da?

FIXINTAUN

Gure oroitzapenak
Itsas galeretako oholak bezala
Ez dira
Itsas hondoan ezabatzen
Ez dute
Inongo porturik helburu.
Gure oroitzapenak
Itsas galeretako oholak bezala
Ur gainean doaz kulunka
Uhainek eraginak
Ezabatu ezin
Eta xederik gabe.

UDAZKEN KOLOREAK

Elurraren zuria mendietan nagusitu aurretik udazkenaren koloreekin gozatzeko une hau ezin da pasatzen utzi.
Hemendik gutxira, neguaren etorrerarekin, zeharo aldatuko da paisaia. Eta paisaiarekin batera, mendian ibiltzeko modua ere.

 Horrela murgildu ginen udazkeneko koloreetan.

 Artouste lakua Arraile lepotik

 Midi txapela jantzita eta gona gorriakin

 Ayous aterpetxea izen bereko mendiaren gailurretik

 Zaldi gainean ibiltzeko zela balitz.

 Midi goizean, Ayous aterpetxetik

 Lakuaren zainak lurrari itsatsiak. Uraren mintzoa.

Beha zure mendi ta oihan ederreri,

zure ur garbietan arrainak igeri;

entzun xoriak kantuz goiz ala astiri,

erakutsi beharrez kantatzen bertzeri.

Ez dela harritzeko errex da  ageri

pertsutako gogoa sortzen bazaut neri

                  Xalbador (Odolaren Mintzoan)

 

 Naturaren opariaz gozatzen.
Midiaren isla geratuko da gure arimaren lakuan.

KRESALAREN USAINA

Zein formatotan gordetzen dira usainak? jpeg, gif...

eta haizea? nola gordetzen da haizea?

eta sentsazioak? berotasuna? hotza? hotzikarak?

eta sentimenduak? emozioak?...avi, mp3?

eta belarrietara xuxurlatutako sirena baten kantu goxoa?...HTML,GPX?

Ez naiz informatikan batere trebea.

Beraz, irudi eta musikaz osatutako bideo xixtrin bat besterik ezin dizuet eskeini.

Paduran

Urgainean